శేరిలింగంపల్లి, సెప్టెంబర్ 22 (నమస్తే శేరిలింగంపల్లి): శేరిలింగంపల్లి జోన్లోని చందానగర్ డివిజన్ హుడా కాలనీలో ప్రతిపాదిత CURE ఏరియా ఇంటిగ్రేటెడ్ స్కూల్ కాంప్లెక్స్ ఏర్పాటుకు అనువైన స్థలాన్ని గుర్తించేందుకు అధికారులు మంగళవారం క్షేత్రస్థాయిలో పరిశీలన నిర్వహించారు. రంగారెడ్డి జిల్లా అదనపు కలెక్టర్ (LB), జోనల్ కమిషనర్, డిప్యూటీ కమిషనర్, తహసీల్దార్తో పాటు ఇంజినీరింగ్, టౌన్ ప్లానింగ్ విభాగాలకు చెందిన అధికారులు ఈ తనిఖీలో పాల్గొన్నారు. ప్రతిపాదిత పాఠశాల సముదాయానికి అనువైన స్థలాన్ని గుర్తించడం, అందుబాటులో ఉన్న స్థలాల పరిస్థితులను పరిశీలించడం వంటి అంశాలపై అధికారులు క్షేత్రస్థాయిలో పరిశీలించారు. మియాపూర్ సర్కిల్-48 పరిధిలో విద్యా మౌలిక వసతుల అభివృద్ధిలో భాగంగా ఈ స్థల పరిశీలన చేపట్టినట్లు అధికారులు తెలిపారు.
Advertisement
