- మినీ క్రికెట్ టోర్నమెంట్ ప్రారంభోత్సవoలో శ్రీ కృష్ణ యూత్ వ్యవస్థాపకుడు, మాదాపూర్ డివిజన్ కార్పొరేటర్ వి.జగదీశ్వర్ గౌడ్, వి.వైభవ్ కృష్ణ
నమస్తే శేరిలింగంపల్లి: మహాశివరాత్రి పండుగను పురస్కరించుకుని నల్లగండ్ల గ్రామంలోని కమ్యూనిటీ హాల్ నందు శ్రీ కృష్ణ యూత్ ఆధ్వర్యంలో మినీ క్రికెట్ టోర్నమెంట్ ప్రారంభోత్సవం చేశారు. ఈ టోర్నమెంట్ ను శ్రీ కృష్ణ యూత్ వ్యవస్థాపకుడు, మాదాపూర్ డివిజన్ కార్పొరేటర్ వి.జగదీశ్వర్ గౌడ్, వి.వైభవ్ కృష్ణ ప్రారంభించారు.
ఈ సందర్భంగా వారు మాట్లాడుతూ ప్రజలకు సేవ చేయాలనే దృఢ సంకల్పంతో 2001వ సంవత్సరంలో శ్రీ కృష్ణ యూత్ కార్యాలయాన్ని ఏర్పాటు చేసి యువతకు మంచి మార్గంలో నడిపేందుకు, సమాజానికి సేవ చేయాలనే ఆలోచనలో 23సంవత్సరాలుగా ముందుకు సాగుతున్నామని, శ్రీ కృష్ణ యూత్ ఆధ్వర్యంలో యువతను ప్రోత్సహించే విధంగా ఎన్నో స్పోర్ట్ మీట్ కార్యక్రమాలను నిర్వహించినట్లు తెలిపారు. ప్రత్యేకంగా శివరాత్రి పండుగను పురస్కరించుకుని నల్లగండ్ల గ్రామానికి చెందిన శ్రీ కృష్ణ యూత్, గ్రామస్థులతో సాయంత్రం 8.30గంటలకు ప్రారంభించి ఉదయం 4.00గంటల సమయం వరకు 14 టీంలతో ఈ కార్యక్రమాన్ని నిర్వహించారు. టోర్నమెంట్ విజేతగా నిలిచిన విష్ణువర్ధన్ రెడ్డి టీం సభ్యులను, రన్నర్ అప్ శ్రీ కృష్ణ కాలనీ సభ్యులను, ఈ క్రికెట్ టోర్నమెంట్ నిర్వహించిన నిర్వాహకులను, శ్రీ కృష్ణ యూత్ అధ్యక్షుడు భీమని ఆదిత్య ముదిరాజ్ ని అభినందించారు వి.వైభవ్ కృష్ణ. ఈ కార్యక్రమంలో చైర్మన్లు, గౌరవ అధ్యక్షులు, సభ్యులు, యువకులు పాల్గొన్నారు.
