నమస్తే శేరిలింగంపల్లి: మియాపూర్ డివిజన్ లో దశల వారీగా అభివృద్ధి పనులు చేపట్టి ఆదర్శ డివిజన్ గా తీర్చిదిద్దుతామని మియాపూర్ కార్పొరేటర్ ఉప్పలపాటి శ్రీకాంత్ అన్నారు. మియాపూర్ డివిజన్ పరిధిలోని మాక్తా మహబూబ్ పేట్ విలేజ్ లో నూతనంగా నిర్మిస్తున్న భూగర్భ డ్రైనేజీ పైపు లైన్ పనులను స్థానికులతో కలసి మియాపూర్ డివిజన్ కార్పొరేటర్ ఉప్పలపాటి శ్రీకాంత్ పరిశీలించారు. ఈ సందర్భంగా ఆయన మాట్లాడుతూ మౌళిక వసతులు కల్పించడమే ప్రధాన ద్యేయంగా ముందుకు సాగుతున్నామని, కాలనీ ప్రజలకు అందుబాటులో ఉంటూ రోడ్లు, డ్రైనేజీ, మంచినీటి సమస్యల పరిష్కారానికి కృషి చేస్తామని అన్నారు. ప్రభుత్వ విప్ ఆరెకపూడి గాంధీ సహకారంతో డివిజన్ పరిధిలో మంజూరైన అభివృద్ధి పనులను త్వరగా పూర్తి చేసి ప్రజలకు అందుబాటులోకి తీసుకువచ్చేలా కృషి చేస్తామని చెప్పారు. ఈ కార్యక్రమంలో స్థానిక నాయకులు దయానంద్ ముదిరాజ్, కాలనీ వాసులు తదితరులు పాల్గొన్నారు.
