శేరిలింగంప‌ల్లి, న‌వంబ‌ర్ 13 (న‌మ‌స్తే శేరిలింగంప‌ల్లి): కోటి దీపోత్సవంలో పద్మశ్రీ పురస్కార గ్రహీత డా. శోభారాజు, ఆమె శిష్యులు వాసంతి, రన్విత, అక్షయ, సువర్ణ, మానస పటేల్, అభిరామ్, సౌమ్య, డా. శశికళ, సుధా రమణి, బి. వి. శర్మ కలిసి ఆద్య అమరేశ, అంబికే జగదంబికే, శ్రీ కాశీ విశ్వనాథుని స్తుతిస్తూ శోభారాజు స్వీయ రచనలో కొన్ని పాటలు, కొండలలో నెలకొన్న కోనేటి రాయుడు, వేడుకొందామా వంటి బహుళ ప్రజాదరణ పొందిన అన్నమయ్య సంకీర్తనలను భక్తి పూర్వకంగా ఆలపించారు. వాయిద్య సహకారం కీబోర్డ్ మీద రాజు, తబలా మీద జయ కుమార్ సహకారం అందించారు. కార్యక్రమం అనంతరం డాక్టర్ శోభారాజు, ఆమె బృందాన్ని కార్యక్రమ నిర్వాహకులు సత్కరించారు.
Advertisement
