నమస్తే శేరిలింగంపల్లి: మాదాపూర్, హఫీజ్ పేట్ డివిజన్ల పరిధిలో వంద శాతం వాక్సినేషన్ పూర్తి చేసేలా ప్రకడ్బంది చర్యలు తీసుకుంటామని మాదాపూర్ డివిజన్ కార్పొరేటర్ జగదీశ్వర్ గౌడ్ అన్నారు. మంగళవారం మాదాపూర్ డివిజన్ పరిధిలోని బిక్షపతి నగర్, వసంత్ సిటీ లో చేపట్టిన ఉచిత వాక్సినేషన్ కార్యక్రమంలో భాగంగా కాలనీ బస్తీలో వంద శాతం వాక్సినేషన్ పూర్తిచేసినందుకు అధికారులను, సిబ్బందిని కార్పొరేటర్ జగదీశ్వర్ గౌడ్ అభినందించారు. అనంతరం చందనగర్ డిప్యూటీ కమిషనర్ సుదాంశు, నోడల్ అధికారి ప్రశాంత్, ఎస్ ఆర్ పీ శ్రీనివాస్ రెడ్డి, స్థానిక నాయకులతో కలిసి సర్టిఫికేట్ అందించారు. ఈ కార్యక్రమంలో బిక్షపతి నగర్ టిఆర్ఎస్ బస్తీ అధ్యక్షుడు మహేష్, వార్డ్ సభ్యులు శ్రీనివాస్, రాంచందర్, నాయకులు చోటేమియ, నయీం తదితరులు పాల్గొన్నారు.
Advertisement
