బలవంతపు వసూళ్లకు పాల్పడుతున్న హిజ్రాలను అరెస్ట్ చేసిన మాదాపూర్ పోలీసులు

• వాహనదారుల ఫిర్యాదుపై స్పందన
• రిమాండ్ కు తరలింపు

నమస్తే శేరిలింగంపల్లి : నగరంలో హిజ్రాల ఆగడాలు రోజురోజుకు అధికమవుతున్నాయి. వాహనదారులను, ప్రయాణికులను బెదిరించి డబ్బులు వసూలు చేస్తూ, ఇవ్వకుంటే దురుసుగా ప్రవర్తిస్తున్నారు. ఈ నేపథ్యంలో వాహనదారుల ఫిర్యాదు మేరకు మాదాపూర్ పోలీసులు హిజ్రాల ఆగడాలపై కొరడా ఝులిపించారు.

శనివారం మాదాపూర్ ఐకియా షోరూమ్ ట్రాఫిక్ సిగ్నల్ వద్ద వాహనదారుల నుండి డబ్బులు వసూలు చేస్తున్న హిజ్రాలను పోలీసులు అదుపులోకి తీసుకున్నారు. ట్రాఫిక్ సిగ్నళ్ల వద్ద వాహనదారుల నుండి బలవంతపు వసూళ్లకు పాల్పడుతున్నారని, నిత్యం వాహనదారుల నుండి వస్తున్న ఫిర్యాదులకు స్పందించి చర్యలు తీసుకొని అరెస్ట్ చేసి రిమాండుకు తరలించినట్లు మాదాపూర్ పోలీసులు తెలిపారు. బలవంతపు వసూళ్లకు ఎవరు పాల్పడినా కఠిన చర్యలు తప్పవని హెచ్చరించారు.

Advertisement