నమస్తే శేరిలింగంపల్లి: నవరాత్రులు విశిష్ట పూజలందుకున్న విఘ్నేశ్వరుడు ప్రజలందరిని సుఖ సంతోషాలతో, ఆయురారోగ్యాలతో చూడాలని టీఆర్ఎస్ చందానగర్ డివిజన్ అధ్యక్షుడు రఘునాథ్ రెడ్డి అన్నారు. చందానగర్ డివిజన్ పరిధిలోని వేమన రెడ్డి కాలనీలో కాలనీ అసోసియేషన్ ఆధ్వర్యంలో ఏర్పాటు చేసిన వినాయకుడి ల‌డ్డు వేలం పాటలో లడ్డూను దక్కించుకున్న విక్రమ్ రెడ్డికి టీఆర్ఎస్ డివిజన్ అధ్యక్షుడు రఘునాథ్ రెడ్డి వినాయక ల‌డ్డును అందజేశారు. రఘునాథరెడ్డి మాట్లాడుతూ కాలనీ ఏర్పడినప్పటి నుంచి కాలనీ అసోసియేషన్ ఆధ్వర్యంలో వినాయక చవితి నవరాత్రి ఉత్సవాలు ఘనంగా నిర్వహించడం జరుగుతుందని అన్నారు. ల‌డ్డు ప్రసాదం తీసుకుంటే మంచి జరుగుతుందని, కోరికలు నేరవేరుతాయనే నమ్మకం ఉందన్నారు. అసోసియేషన్ సభ్యులు విక్రమ్ రెడ్డికి చిరు జ్ఞాపికను అందజేశారు.
Advertisement
