నమస్తే శేరిలింగంపల్లి: మాదాపూర్ లోని శిల్పారామం లో నిర్వహిస్తున్న ఆల్ ఇండియా సారీ మేళ, నవరాత్రి ఉత్సవాలు ఘనంగా జరిగాయి. బతకమ్మ పండుగ చివరి రోజైన గురువారం శిల్పారామంలో మహిళా సిబ్బంది తీరొక్క పూలతో అందంగా బతుకమ్మను పేర్చి ఆడిపాడారు. మెయిన్ లాన్ లో దాండియా ఆటను మహిళలు, యువతులు ఆనందోత్సవాలతో ఆడుకున్నారు. సాంస్కృతిక కార్యక్రమాలలో భాగంగా కుమారి ప్రణవి శిష్య బృందం చేసిన కూచిపూడి నృత్య ప్రదర్శన ఎంతగానో అలరించింది. పద్మశ్రీ డాక్టర్ ఆనంద శంకర్ శిష్య బృందం భరతనాట్య ప్రదర్శన ఆధ్యంతం అందరిని ఆకట్టుకుంది. అమ్మవారికి సంబందించిన అంశాలను ఎంతో చక్కటి అభినయం తో ఆకట్టుకున్నారు.
Advertisement
