చందానగర్: ఉపాధ్యాయుల దినోత్సవం సందర్భంగా తనకు చదువు చెప్పిన గురువును సత్కరించారు చందానగర్ కార్పొరేటర్ నవతరెడ్డి. సెయింట్ ఆర్నాల్డ్స్ హై స్కూల్ 2000 సం౹౹ బ్యాచ్ 10వ తరగతి సహా విద్యార్థులతో కలిసి శుక్రవారం తమ తెలుగు ఉపాద్యాయుడు BSR మూర్తిని సన్మానించి, ఆశీర్వాదం తీసుకొన్నారు. ఈ సందర్భంగా నవతరెడ్డి మాట్లాడుతూ ప్రతి మనిషి ఉన్నత స్థాయికి ఎదిగిన అనంతరం తమకు తొలి అడుగులు నేర్పిన గురువులను మరచిపోకూడదన్నారు. ప్రతీ వ్యక్తి ఉన్నతిలో గురువులు, ఉపాధ్యాయుల సహకారం తప్పక ఉంటుందని తెలిపారు. ఈ కార్యక్రమంలో నవతరెడ్డి సహా విద్యార్థులు వంశీ, ప్రసాద్ రెడ్డి, వినోద్ తదితరులు పాల్గొన్నారు.
Advertisement
