నమస్తే శేరిలింగంపల్లి: తెలంగాణ ఆచార , సంస్కృతి, సంప్రదాయాలకు, ఆడపడుచుల ఔన్నత్యానికి ప్రతీక బతుకమ్మ పండుగ, తెలంగాణ రాష్ట్ర పర్వదినం సందర్భంగా ఆల్విన్ కాలనీ డివిజన్ పరిధిలోని తులసి వనం అపార్ట్మెంట్స్ లో అవని స్వచ్ఛంద ఫౌండేషన్ సత్తూర్ శిరీష ఆధ్వర్యంలో బతుకమ్మ వేడుకలు నిర్వహించారు. వేడుకలలో కార్పొరేటర్ దొడ్ల వెంకటేష్ గౌడ్, స్థానిక మహిళ సోదరీమణులతో కలిసి ముఖ్యఅతిథిగా ప్రభుత్వ విప్ ఆరెక పూడి గాంధీ పాల్గొన్నారు. ఈ సందర్భంగా ప్రభుత్వ విప్ ఆరెకపూడి గాంధీ మాట్లాడుతూ ప్రపంచంలో పూలతో దేవుడిని పూజిస్తారు కానీ ప్రపంచంలో ఎక్కడ లేని విధంగా ఆ పూలనే దేవత గా పూజించే ఘన చరిత్ర మన తెలంగాణ ప్రత్యేకమని ప్రభుత్వ విప్ గాంధీ పేర్కొన్నారు. తెలంగాణ ఆచార , సంస్కృతి, సంప్రదాయాలకు, ఆడపడుచుల ఔన్నత్యానికి ప్రతీక.. ఆడబిడ్డల ఆత్మ గౌరవాన్ని చాటే పూల వేడుక.. పూలను పూజిస్తూ, గౌరమ్మను ఆరాధిస్తూ మహిళల అత్మగౌరవానికి ప్రతీకగా నిలిచే బతుకమ్మ పండుగ అని, బతుకమ్మను ప్రపంచ వ్యాప్తంగా పరిచయం చేసిన ఘనత ఎమ్మెల్సీ కవితకే దక్కుతుందని పేర్కొన్నారు. పుట్టింటికి చేరిన ఆడబిడ్డలు తీరొక్క పూలతో బతుకమ్మను పేర్చి, ఆడుతూ పాడుతూ ఆనందోత్సాహాల నడుమ జరిగే బతుకమ్మ వేడుకలు, పల్లెల్లో ప్రత్యేకతను చాటుతాయని అన్నారు. ప్రకృతిని ఆరాధిస్తూ, తొమ్మిది రోజుల పాటు సాగే ఉత్సవాల సందర్భంగా, రాష్ట్ర వ్యాప్తంగా సాంస్కృతిక సంబురం గొప్పగా వెల్లివిరుస్తుందన్నారు. బతుకమ్మ పండుగను రాష్ట్ర పండుగగా గుర్తించిన తెలంగాణ ప్రభుత్వం, తెలంగాణ సంస్కృతికి, ఆడబిడ్డల ఆత్మగౌరవానికి పెద్ద పీట వేసిందన్నారు. ఈ కార్యక్రమంలో ఆల్విన్ కాలనీ డివిజన్ అధ్యక్షులు సమ్మారెడ్డి, మాదాపూర్ డివిజన్ అధ్యక్షులు ఎర్రగుడ్ల శ్రీనివాస్ యాదవ్, ఆల్విన్ కాలనీ డివిజన్ మాజీ అధ్యక్షులు జిల్లా గణేష్ , తెరాస నాయకులు కాశినాథ్ యాదవ్, పోశెట్టి గౌడ్, సత్తుర్ శిరీష, రాజ్యాలక్ష్మి , కుమారి , లావణ్య పాల్గొన్నారు.
