మాదాపూర్ (న‌మ‌స్తే శేరిలింగంప‌ల్లి): టీఆర్ఎస్ పార్టీ హఫీజ్ పేట్, మాదాపూర్ డివిజన్ల కార్పొరేటర్‌ అభ్యర్థులుగా శుక్రవారం వి.పూజిత, జగదీశ్వర్ గౌడ్ లు వేర్వేరుగా నామినేషన్లు దాఖలు చేశారు. మొదటగా మాదాపూర్ డివిజన్ ఆదిత్య నగర్ చిల్ల (దర్గా), హఫీజ్ పేట్ డివిజన్ గంగారాం హనుమాన్ ఆలయంల‌లో ప్రత్యేక ప్రార్ధనలు, పూజలు చేశారు. అనంతరం టీఆర్ఎస్ పార్టీ నాయకులు, కార్యకర్తలతో కలిసి భారీ ర్యాలీగా జీహెచ్ఎంసీ కార్యాలయం వరకు వెళ్లారు. అనంతరం వారు నామినేషన్ పత్రాలను రిటర్నింగ్ అధికారుల‌కు అందజేశారు. ఈ సంద‌ర్భంగా వారు మాట్లాడుతూ డివిజన్ల ప్ర‌జ‌ల‌కు మ‌రోసారి సేవ చేసుకునేలా త‌మ‌కు టిక్కెట్ల‌ను కేటాయించినందుకు వారు సీఎం కేసీఆర్‌, మంత్రి కేటీఆర్‌, ప్ర‌భుత్వ విప్ ఆరెక‌పూడి గాంధీ, ఎంపీ రంజిత్ రెడ్డిల‌కు ధ‌న్య‌వాదాలు తెలిపారు. ప్రతీ కార్యకర్త ముందుండి అఖండ విజయానికి సహకరించాలని కోరారు. ఈ కార్య‌క్ర‌మంలో ఎమ్మెల్సీ ప‌ట్నం మ‌హేంద‌ర్ రెడ్డి, టీఎస్ఈడ‌బ్ల్యూఐసీ చైర్మ‌న్ నాగేంద‌ర్ గౌడ్‌లు పాల్గొన్నారు.
