శేరిలింగంపల్లి, అక్టోబ‌ర్ 24 (న‌మ‌స్తే శేరిలింగంపల్లి): ఓ గుర్తు తెలియ‌ని మ‌హిళ మృత‌దేహం చందాన‌గ‌ర్ పోలీసుల‌కు ల‌భ్య‌మైంది. ఈ సంఘ‌ట‌న‌కు సంబంధించి పోలీసులు తెలిపిన ప్ర‌కారం వివ‌రాలు ఈ విధంగా ఉన్నాయి. శేరిలింగంప‌ల్లిలోని న‌ల్ల‌గండ్ల ఫ్లై ఓవ‌ర్ బ్రిడ్జి కింద ఓ గుర్తు తెలియ‌ని మ‌హిళ మృత‌దేహం ఉంద‌న్న స‌మాచారం అందుకున్న పోలీసులు సంఘ‌ట‌నా స్థ‌లానికి చేరుకుని ఆ మృత‌దేహాన్ని పోస్టుమార్టం నిమిత్తం మార్చురీకి త‌ర‌లించారు. కాగా ఆమె ఎరుపు రంగు చీర, తెలుపు రంగు జాకెట్ ధ‌రించి ఉంద‌ని, వ‌య‌స్సు సుమారుగా 60 నుంచి 65 ఏళ్ల మ‌ధ్య ఉంటుంద‌ని, బ‌హుశా అనారోగ్య కార‌ణాల వ‌ల్ల ఆమె చ‌నిపోయి ఉండ‌వ‌చ్చ‌ని పోలీసులు భావిస్తున్నారు. చుట్టు ప‌క్క‌ల ఆమె భిక్షాట‌న చేస్తుంద‌ని స్థానికులు తెలిపారు. ఈ మేర‌కు పోలీసులు కేసు న‌మోదు చేసుకుని ద‌ర్యాప్తు చేప‌ట్టారు.
Advertisement
