నమస్తే శేరిలింగంపల్లి: వాసవి క్లబ్ ఇంటర్నేషనల్ వ్యవస్థాపకులు కల్వకుంట్ల చంద్రసేన్ గుప్త జయంతిని పురస్కరించుకొని వాసవి వారోత్సవాలు ఘనంగా కొనసాగుతున్నాయి. ఈ నేపథ్యంలో సమాజంలోని వివిధ రంగాలకు చెందిన ప్రముఖులను వాసవి క్లబ్ ప్రతినిధులు సన్మానిస్తున్నారు. ఈ క్రమంలోనే వాసవి క్లబ్ నవనిర్మాణ్ కపుల్స్ మదీనగూడ అధ్యక్షులు గోపాల కృష్ణ రావు కందుల, జోన్ చైర్ పర్సన్ అనురాధ లక్ష్మీ కందుల ఆద్వర్యంలో సీనియర్ జర్నలిస్టు, “నమస్తే శేరిలింగంపల్లి” వ్యవస్థాపకులు పుట్ట వినయకుమార్ గౌడ్ ను ఘనంగా సత్కరించారు. ఈ సందర్భంగా ఆయన మాట్లాడుతూ సేవాతత్పరత కలిగిన ఆర్య వైశ్యులు వాసవి కన్యకా పరమేశ్వరి దేవి పేరిట క్లబ్ లను ఏర్పాటు చేసుకొని సమాజ హిత కార్యకలాపాలు నిర్వహించడం అభినందనీయమని అన్నారు. ఒకవైపు సేవా, మరోవైపు ఆధ్యాత్మిక కార్యక్రమాలు నిర్వహిస్తూ ఇతరులకు ఆదర్శంగా నిలుస్తున్నారని అన్నారు.
కందుల అనురాధ లక్ష్మి, గోపాల కృష్ణ రావు మాట్లాడుతూ వాసవి నవనిర్మాణ కపుల్స్ క్లబ్ పేరిట తోచిన విధంగా సేవా కార్యక్రమాలు నిర్వహించడంలో ఎంతో సంతృప్తి కలుగుతున్నదని అన్నారు. వాసవి వారోత్సవాల్లో భాగంగా పాత్రికేయులను సన్మానించుకోవడం సంతోషంగా ఉందని అన్నారు. చందానగర్ లో జరిగిన ఈ కార్యక్రమంలో వాసవి క్లబ్ స్నేహలహరి కపుల్స్ గుడివాడ అధ్యక్షురాలు శ్రీవాణి సుకన్య, సౌందర్యలహరి మియాపూర్ అధ్యక్షురాలు వుసిరికల ప్రశాంతి, గోలోక బృందావన్ లహరి అధ్యక్షురాలు తునుగుంట్ల పద్మిని, వనిత ప్రగతినగర్ అధ్యక్షురాలు ఆకుల భాగ్యలక్ష్మి తదితరులు పాల్గొన్నారు.
