నమస్తే శేరిలింగంపల్లి: గుట్టుచప్పుడు కాకుండా ఓ అపార్ట్మెంట్ లో వ్యభిచారం నిర్వహిస్తున్న ఇద్దరు నిందితులను, ఒక సెక్స్ వర్కర్ ను మియాపూర్ పోలీసులు అరెస్టు చేశారు. మియాపూర్ ఎస్ఐ లింగ్యా నాయక్ తెలిపిన వివరాల ప్రకారం మియాపూర్ గోకుల్ ప్లాట్స్ లోని సాయిరాం రెసిడెన్సీ అపార్ట్మెంట్స్ లోని ఫ్లాట్ నంబర్ 1205 లో వ్యభిచారం నిర్వహిస్తున్నట్లు తెలిసిన విశ్వసనీయ సమాచారం మేరకు శుక్రవారం సాయంత్రం మియాపూర్ పోలీసులు సదరు ఫ్లాట్ పై దాడి చేశారు. అపార్ట్ మెంట్ లో తనిఖీలు చేయగా ఒంగోలు కు చెందిన నిర్వాహకులు షేక్ ఇర్ఫాన్, సాయి గణేష్ రెడ్డి, ఒక మహిళ సెక్స్ వర్కర్ ను అదుపులోకి తీసుకొని విచారించగా వ్యభిచారం నిర్వహిస్తున్నట్లు తేలింది. దీంతో ఇద్దరు నిందితులను అరెస్ట్ చేసి వారిని రిమండ్ కు తరలించినట్లు తెలిపారు. మహిళను రెస్క్యూ హోమ్ కు తరలించినట్లు చెప్పారు. కేసు నమోదు చేసుకొని దర్యాప్తు చేస్తున్నట్లు ఎస్ఐ లింగ్యా నాయక్ తెలిపారు.
