నమస్తే శేరిలింగంపల్లి: మహాశివరాత్రి దినోత్సవాన్ని పురస్కరించుకుని జనప్రియ అపార్ట్ మెంట్స్ ఫేజ్ -3 లోని శివాలయంలో ప్రభుత్వ విప్, ఎమ్మెల్యే ఆరెకపూడి గాంధీ, మాదాపూర్ డివిజన్ కార్పొరేటర్ జగదీశ్వర్ గౌడ్ ప్రత్యేక పూజలు చేశారు. శివుని ఆశీస్సులు ప్రజలందరిపై ఉండాలని ఆకాంక్షించారు. అనంతరం ఆలయ కమిటీ నిర్వాహకులు ఎమ్మెల్యే గాంధీని, కార్పొరేటర్ జగదీశ్వర్ గౌడ్ ను శాలువాలతో సత్కరించారు. అనంతరం భక్తుల కోసం ఆలయ ప్రాంగణంలో ఏర్పాటు చేసిన అన్నదాన కార్యక్రమాన్ని ప్రారంభించారు. ఈ కార్యక్రమంలో జనప్రియ రెసిడెంట్స్ సెంట్రల్ వెల్ఫేర్ అసోసియేషన్ అధ్యక్షుడు నల్లా సంజీవ రెడ్డి, అధ్యక్షుడు బాలింగ్ గౌతమ్ గౌడ్, తదితరులు ఉన్నారు.
Advertisement
