నమస్తే శేరిలింగంపల్లి:డివిజన్ అభివృద్ధికి పక్కా ప్రణాళికతో ముందుకు సాగుతున్నామని హఫీజ్ పేట్ డివిజన్ కార్పొరేటర్ పూజితజగదీశ్వర్ గౌడ్ అన్నారు. హాఫీజ్ పెట్ డివిజన్ పరిధిలోని శారదా నగర్, గెజిటడ్ ఆఫీసర్స్ కాలనీలో మాదాపూర్ డివిజన్ కార్పొరేటర్ వి.జగదీశ్వర్ గౌడ్, జోనల్ కమిషనర్ ప్రియాంక అల, చందానగర్ డిప్యూటీ కమిషనర్ సుదాంష్, హెల్త్ ఆఫీసర్ కార్తిక్, ఇంజినీరింగ్ ఈఈ శ్రీకాంతి, డీఈ సురేష్ తో కలిసి పర్యటించారు. కాలనీ వాసుల సమస్యలను అడిగి తెలుసుకున్నారు. కాలనీలలో నెలకొన్న సమస్యలను దశల వారీగా పరిష్కరిస్తామని చెప్పారు. సీసీ, యూజీడీ పనులు చేపట్టామని, మిగతా పనులను త్వరలోనే పూర్తి చేస్తామని అన్నారు. కాలనీ వాసులు తమ స్వంత నిధులతో పార్కును అభివృద్ధి చేసుకోవడం చాలా సంతోషకరమని అన్నారు. మున్సిపల్ శాఖమంత్రి కేటీఆర్ నాయకత్వంలో ఎమ్మెల్యే ఆరెకపూడి గాంధీ సహకారంతో డివిజన్ ను అన్ని రంగాల్లో అభివృద్ధి చేస్తామన్నారు. ఈ కార్యక్రమంలో ఆలేఖ్య హోమ్స్ శ్రీనాధ్, త్రినాధ్, జగదీష్, సుబ్రహ్మణ్యం, జగన్నాథ్, లక్ష్మణ్, కిషోర్, శరత్, స్రవంతి, ప్రమీల, మల్లికా, శారదా, శ్రావణి, కల్పన, అధికారులు శానిటేషన్ సూపర్ వైజర్ శ్రీనివాస్, ఏఈ చంద్రకాంత్, ఇంజినీరింగ్ ఏఈ ప్రతాప్, ఎలక్ట్రికల్ ఏఈ రామ్మోహన్, వర్క్ ఇన్ స్పెక్టర్లు శ్రీధర్, మల్లేష్ తదితరులు పాల్గొన్నారు.
