నమస్తే శేరిలింగంపల్లి: హరిహరసుతుడు అయ్యప్ప స్వామి ఆశీస్సులు ప్రజలందరిపై ఉండాలని గచ్చిబౌలి డివిజన్ కార్పొరేటర్ గంగాధర్ రెడ్డి ఆకాంక్షించారు. గచ్చిబౌలి డివిజన్ పరిధి రాయదుర్గంలోని వేంకటేశ్వర దేవాలయంలో మక్తాల శ్రీనివాస్ గౌడ్ ఆధ్వర్యంలో శుక్రవారం ఏర్పాటు చేసిన మహా పడిపూజ మహోత్సవంలో గచ్చిబౌలి డివిజన్ కార్పొరేటర్ గంగాధర్ రెడ్డి ముఖ్య అతిథిగా పాల్గొన్నారు. ఈ సందర్భంగా అయ్యప్ప స్వామికి ప్రత్యేక పూజలు చేశారు. కార్పొరేటర్ గంగాధర్ రెడ్డి మాట్లాడుతూ అయ్యప్ప స్వామి పడిపూజ మహోత్సవంలో పాల్గొనడం సంతోషంగా ఉందన్నారు. కరోనా పూర్తిగా అంతమై ప్రజలు సుఖ సంతోషాలతో జీవించాలని అయ్యప్ప స్వామి వారిని వేడుకున్నట్లు కార్పొరేటర్ గంగాధర్ రెడ్డి తెలిపారు. ఈ కార్యక్రమంలో గురుస్వాములు మున్ను నాయుడు, స్వామి గౌడ్, గచ్చిబౌలి డివిజన్ అధ్యక్షుడు కృష్ణ ముదిరాజ్, జిల్లా ఓబీసీ ఉపాధ్యక్షులు నరేందర్ ముదిరాజ్, రంగారెడ్డి జిల్లా గిరిజన మోర్చా అధ్యక్షుడు హనుమంతు నాయక్, డివిజన్ ప్రధాన కార్యదర్శి చెట్టి మహేందర్ గౌడ్, గచ్చిబౌలి డివిజన్ ఐటీ సెల్ కన్వీనర్ రాఘవేంద్ర, గచ్చిబౌలి డివిజన్ వైస్ ప్రెసిడెంట్ దయాకర్, సీనియర్ నాయకులు మీన్ లాల్ సింగ్, కృష్ణ యాదవ్, అంబటి అశోక్ కుమార్, , శ్యామ్ యాదవ్, నర్సింగ్ రావు, రాయదుర్గం వాసులు, భక్తులు, కార్యకర్తలు పాల్గొన్నారు.
