నమస్తే శేరిలింగంపల్లి:స్వాతంత్ర్య దినోత్సవము పురస్కరించుకొని మాదాపూర్ లోని శిల్పారామం లో ఆజాది కా అమృత్ మహోత్సవ సందర్బంగా స్వతంత్ర సమరయోధుల రంగోలి చిత్ర ప్రదర్శనను స్వతంత్ర యోధులు బట్ట రాజయ్య ఆదివారం ముఖ్య అతిథిగా హాజరై జ్యోతి ప్రజ్వలన చేసి ప్రారంభించారు. ప్రత్యేక అధికారి కిషన్ రావు ఈ సందర్భంగా స్వతంత్ర్య సమరయోధులు రాజయ్య, రంగోలి చిత్రప్రదర్శన వేసిన కళాకారులను ఘనంగా సత్కరించారు. అనంతరం అపర్ణ ధూళిపాళ వారి బృందం చేసిన “జయ కేతనం” దేశ భక్తి గీతాల ప్రదర్శన అందరిని ఆకట్టుకుంది. తెలుగు సమరయోధుల ప్రదర్శన, రంగోలి పోర్ట్రైట్ ప్రదర్శనను తిలకించేందుకు సందర్శకులు అధిక సంఖ్యలో పాల్గొన్నారు.
Advertisement
