- ఎంసిపిఐ(యు) గ్రేటర్ హైదరాబాద్ కార్యదర్శి మైదం శెట్టి రమేష్ పిలుపు
నమస్తే శేరిలింగంపల్లి : ఈ నెల 14 నుండి 20 వరకు వ్యాప్తంగా యంసిపిఐ(యు) పొలిట్ బ్యూరో సభ్యుడు కామ్రేడ్ తాండ్ర కుమార్ ప్రధమ వర్ధంతి నిర్వహించనున్నారు. ఇందులో భాగంగా వర్ధంతి కార్యక్రమాల పోస్టర్ ను ముజాఫర్ అహ్మద్ నగర్ లో ఎంసిపిఐయు గ్రేటర్ హైదరాబాద్ కార్యదర్శి మైదం శెట్టి రమేష్ ఆవిష్కరించారు.
అనంతరం ఆయన మాట్లాడుతూ తాండ్ర కుమార్ ప్రధమ వర్ధంతి కార్యక్రమంలో భాగంగా ఫిబ్రవరి 14 న మియాపూర్ లోని అమరజీవి కామ్రేడ్ తాండ్ర కుమార్ స్మారక స్థూపం నుండి ముజాఫర్ అహ్మద్ నగర్ వరకు ప్రదర్శన, అనంతరం రాష్ట్ర కమిటీ ఆధ్వర్యంలో విగ్రహావిష్కరణ ప్రధమ వర్ధంతి సభ నిర్వహించనున్నట్లు తెలిపారు. ప్రధమ వర్ధంతి సభ విజయవంతం చేయడానికి అన్ని వర్గాల ప్రజలు పాల్గొనాలని పిలుపు నిచ్చారు. ఈ కార్యక్రమంలో గ్రేటర్ హైదరాబాద్ సహాయ కార్యదర్శి తుడుం అనిల్ కుమార్, కార్యదర్శివర్గ సభ్యులు వి.తుకారాం నాయక్, కర్ర దానయ్య, తాండ్ర కళావతి, పల్లె మురళి, లసాని రాజు,ఇ. దశరత్ నాయక్ మరియు సభ్యులు యం.రాములు పాల్గొన్నారు.
