నమస్తే శేరిలింగంప‌ల్లి: ప్ర‌కృతి అందాల‌తో, ప‌ల్లె వాతావ‌ర‌ణంతో మాదాపూర్‌లో క‌నువిందు చేసే శిల్పారామం సోమ‌వారం నుండి పునఃప్రారంభం కానుంది. తెలంగాణ లో లాక్ డౌన్ పూర్తి స్థాయి లో ఎత్తి వేసిన నేపధ్యం లో 21వ తేదీ నుండి సంద‌ర్శ‌కుల‌ను అనుమతించ‌నున్న‌ట్లు అధికారులు తెలిపారు. ఉదయం 10 .30 నుండి సాయంత్రం 8 .00 గంటలవరకు య‌ధావిధిగా శిల్పారామం సేవ‌లు కొన‌సాగుత‌యాని, చేనేత హస్త కళా ఉత్పత్తులు సైతం అందుబాటులో ఉంచ‌నున్న‌ట్లు తెలిపారు. కోవిడ్ నిబంధ‌న‌ల‌ను పాటిస్తూ ప్ర‌కృతి ఒడిలో మానసిక ఉల్లాసాన్ని అందించే వాతావ‌ర‌ణాన్ని ప్ర‌కృతి ప్రేమికుల‌కు అందించేందుకు శిల్పారామం సిద్ధంగా ఉంద‌ని వారు తెలిపారు.
Advertisement
