నమస్తే శేరిలింగంపల్లి : తెలంగాణ రాష్ట్ర ముఖ్యమంత్రి, టిపిసిసి అధ్యక్షులు రేవంత్ రెడ్డి సమక్షంలో మారబోయిన అనిల్ కుమార్ యాదవ్ కాంగ్రెస్ పార్టీలో చేరారు. ఆయన చేరికకు వికారాబాద్ శాసనసభ్యులు తెలంగాణ సభాపతి గడ్డం ప్రసాద్ కుమార్ సహకరించారు. ఈ సందర్భంగా అనిల్ కుమార్ కు చేవెళ్ల పార్లమెంట్ అభ్యర్థి రంజిత్ రెడ్డి, శేరిలింగంపల్లి శాసనసభ నియోజకవర్గ ఇంచార్జి జగదీష్ గౌడ్ పార్టీ కండువా కప్పి సాదరంగా ఆహ్వానించారు.
తెలంగాణ రాష్ట్రంలో సాగుతున్న ప్రజపాలనకు అండగా ఉండాలని, ఆనాటి ఇందిరమ్మ రాజ్యం పుణ నిర్మించడానికి తెలంగాణ రాష్ట్ర ముఖ్యమంత్రి అమలు చేస్తున్న సంక్షేమ అభివృద్ధి కార్యక్రమాలను మరింత ప్రజలలోకి తీసుకొని వెళ్ళి చేవెళ్ల పార్లమెంటు గెలవడమే లక్ష్యంగా కాంగ్రెస్ పార్టీని తన వంతు బలోపేతం చేయడానికి కాంగ్రెస్ పార్టీ లో చేరినట్లు తెలిపారు. సొంత ఇంటికి తిరిగి చేరుకోవడం ఎంతో ఆత్మ సంతృప్తిని ఇచ్చిందని మారబోయిన అనిల్ కుమార్ యాదవ్ తెలిపారు.
