ఆల్విన్ కాలనీ (న‌మ‌స్తే శేరిలింగంప‌ల్లి): ఆల్విన్ కాలనీ డివిజన్ ప‌రిధిలోని సుభాష్ చంద్రబోస్ కాలనీ, కమలమ్మ కాలనీ, దత్తాత్రేయ కాలనీల‌లో మహిళలకు కార్పొరేటర్ దొడ్ల వెంకటేష్ గౌడ్ శ‌నివారం చీరలను పంపిణీ చేశారు. ఈ సందర్భంగా ఆయన మాట్లాడుతూ.. క‌రోనా నేప‌థ్యంలో రాఖీ పండుగ సంద‌ర్బంగా డివిజన్ ప‌రిధిలోని మ‌హిళ‌ల‌ను క‌ల‌వ‌లేక‌పోయాన‌ని, అందుక‌నే దీపావ‌ళి పండుగ సందర్భంగా అంద‌రినీ క‌లిసి వారికి చీరలను పంపిణీ చేయ‌డం జ‌రిగింద‌ని తెలిపారు. కాల‌నీలో మ‌హిళ‌లు త‌న‌ను సోద‌రుడిగా భావిస్తూ ఆప్యాయంగా ప‌ల‌క‌రిస్తార‌ని, అంద‌రికీ తాను రుణ‌ప‌డి ఉంటాన‌ని తెలిపారు. ఈ కార్యక్రమంలో యువ నాయకుడు రామకృష్ణ గౌడ్, డివిజన్ బీసీ సంఘం అధ్యక్షుడు రాజేష్ చంద్ర, వార్డు సభ్యుడు కాశీనాథ్ యాదవ్, డివిజన్ తెరాస మాజీ అధ్యక్షుడు పాండు గౌడ్, నాయకులు మౌలానా, మున్నాభాయ్, వాసు, రాములు గౌడ్, ఎస్కే బీబీ, నిర్మల, స్వప్న, యాదగిరి, సంతోష్, ఆదర్శ్‌, ఫరూఖ్, కలీమ్ పాల్గొన్నారు.
