- మియాపూర్ నుండి ఉప్పలపాటి శ్రీకాంత్ కు అవకాశం
- అయోమయం లో నలుగురు సిట్టింగ్ కార్పొరేటర్లు
నమస్తే శేరిలింగంపల్లి: జిహెచ్ఎంసి ఎన్నికల్లో టిఆర్ఎస్ పార్టీ తరపున బరిలో ఉండే అభ్యర్థుల జాబితాను అధిష్టానం విడుదల చేసింది. మొదటి జాబితాలో నియోజక వర్గంలోని పది డివిజన్లకు గాను ఆరు డివిజన్లకు అభ్యర్థులను ఖరారు చేసింది. గత ఎన్నికల్లో గెలిచి ప్రాతినిధ్యం వహిస్తున్న గచ్చిబౌలి నుండి కొమిరిశెట్టి సాయిబాబా, కొండాపూర్ నుండి హమీద్ పటేల్, మాదాపూర్ నుండి జగదీశ్వర్ గౌడ్, హఫీజ్ పేట్ నుండి పూజిత జగదీశ్వర్ గౌడ్, ఆల్విన్ కాలనీ నుండి దొడ్ల వెంకటేష్ గౌడ్ లకు అధిష్టానం టిక్కెట్లు ఖరారు చేసింది. మియాపూర్ డివిజన్ నుండి కొత్తగా ఉప్పలపాటి శ్రీకాంత్ కు అవకాశం ఇచ్చింది. కాగా మిగిలిన నాలుగు డివిజన్ల అభ్యర్థుల వివరాలు తొలి జాబితాలో రాకపోవడం తో ఆయా ప్రాంతాల నాయకుల్లో టెన్షన్ మొదలైంది. ముఖ్యంగా చందానగర్ కార్పొరేటర్ బొబ్బ నవతా రెడ్డి, శేరిలింగంపల్లి కార్పొరేటర్ రాగం నాగేందర్ యాదవ్, వివేకానంద నగర్ కార్పొరేటర్ లక్ష్మీబాయి, హైదర్ నగర్ డివిజన్ కార్పొరేటర్ జానకీ రామ రాజు లు సిట్టింగులకు తొలి జాబితా లో స్తానం దక్కకపోవడం తో అయోమయం లో పడిపోయారు.
