నమస్తే శేరిలింగంపల్లి: హ‌ఫీజ్‌పేట్ డివిజన్ పరిధిలోని ఉషోదయ ఎన్‌క్లేవ్‌ హెచ్ఐజీ కాలనీలో నెలకొన్న సమస్యలను మాదాపూర్ డివిజన్ కార్పొరేటర్ జగదీశ్వర్ గౌడ్ సోమవారం పరిశీలించారు. కాలనీలో నెలకొన్న అండర్ గ్రౌండ్ డ్రైనేజీ సమస్యను స్థానికులు కార్పొరేటర్ దృష్టికి తీసుకువచ్చారు. ఈ సందర్భంగా జగదీశ్వర్ గౌడ్ మాట్లాడుతూ హ‌ఫీజ్‌పేట్, మాదాపూర్ డివిజన్ల పరిధిలోని ప్రతి సమస్యను దశల వారీగా పరిష్కరిస్తామని చెప్పారు. ప్రజలకు అవసరమయ్యే మౌలిక వసతుల కల్పనకు ఎల్లప్పుడూ పాటుపడుతామని అన్నారు. ఈ కార్యక్రమంలో ఏఈ ధీరజ్, బిహెచ్ఈఎల్ హెచ్.ఐ.జీ (ఉషోదయ ఎన్‌క్లేవ్‌) కాలనీ అధ్యక్షుడు టి.నాగేశ్వర రావు, ఎన్.పూర్ణ చందర్ రావు, డి.నరసింహ, డి.నాగేశ్వర, సత్తి రాజు, శ్రీహరి రావు, వెంకటేశ్వర రెడ్డి, వర్క్ ఇన్ స్పెక్టర్ సత్యనారాయణ, శ్రీధర్ చారి తదితరులు పాల్గొన్నారు.
Advertisement
