న‌మ‌స్తే శేరిలింగంప‌ల్లి: చందాన‌గ‌ర్‌లోని విశాఖ శ్రీ శార‌దా పీఠ‌పాలిత శ్రీ వేంక‌టేశ్వ‌రాలయ స‌ముదాయంలో సోమ‌వారం నుంచి శ్ర‌వ‌ణ‌మాస ప్రత్యేక పూజ‌లు ప్రారంభ‌మ‌య్యాయి. ఆల‌య ప్ర‌ధానార్చ‌కులు శ్రీ సుద‌ర్శ‌నం స‌త్య‌సాయి ప‌ర్య‌వేక్ష‌ణ‌లో ప‌ద్మావ‌తి అమ్మ‌వారికి వేకువ జామునుంచే ఆర్చ‌న‌లు అభిషేకాల‌తో పాటు ప్రత్యేక పూజ‌లు జ‌రిపించారు. అమ్మ‌వారు మ‌హాల‌క్ష్మీ స్వ‌రూపంలో ప్రత్యేక అలంక‌ర‌ణ‌లో భ‌క్తుల‌కు క‌నువిందు చేశారు. ప‌రిస‌ర ప్రాంతాల మ‌హిళ‌లు పెద్ద సంఖ్య‌లో విచ్చేసి శ్రీ మ‌హాల‌క్ష్మీ స‌హ‌స్ర నామ పారాయ‌ణం ఆల‌పించారు. ఐతే శ్రావ‌ణ మాసం మొత్తం ప్ర‌తీరోజు ఉద‌యం 10.30 గంట‌ల నుంచి మ‌హిళ‌ల‌తో శ్రీ ల‌క్ష్మీ స‌హ‌స్ర నామ పారాయ‌ణం కొన‌సాగుతుంద‌ని, ప‌రిస‌ర ప్రాంతాల మ‌హిళ‌లు ఈ అవ‌కాశాన్ని స‌ద్వినియోగం చేసుకోవ‌చ్చ‌ని ఆల‌య పాల‌క మండ‌లి పిలుపునిచ్చింది.
Advertisement
