మాదాపూర్ (నమస్తే శేరిలింగంపల్లి): ప్రభుత్వ ప్రజా వ్యతిరేక విధానాలపై నిరంతరం అలుపులేని పోరాటం నిర్వహించిన యోధుడు రక్తపు నగేష్ గౌడ్ అని సీపీఐ నాయ‌కుడు రామ‌కృష్ణ అన్నారు. మంగ‌ళ‌వారం మాదాపూర్ డివిజ‌న్ ప‌రిధిలోని ఖానామెట్ లో ఉన్న పార్టీ కార్యాల‌యంలో శేర్లింగంపల్లి సీపీఐ పార్టీని విస్తరించిన ప్రముఖుడు రక్తపు నగేష్ గౌడ్ 3వ వ‌ర్ధంతిని నిర్వ‌హించారు. ఈ కార్యక్రమంలో ప‌లువురు సీపీఐ నాయకులు పాల్గొని నగేష్ గౌడ్ చిత్ర‌ప‌టానికి పూల‌మాల‌లు వేసి నివాళులు అర్పించారు.
ఈ సంద‌ర్భంగా నాయ‌కుడు రామ‌కృష్ణ మాట్లాడుతూ.. రక్తం నగేష్ గౌడ్ త‌న జీవిత కాలం మొత్తం ఎర్ర జెండా పార్టీ నీడలో ఉన్నార‌ని అన్నారు. హైదరాబాద్ నగరానికి వలస వచ్చిన కార్మికులకు అండగా నిలిచార‌ని కొనియాడారు. కార్మికుల హక్కుల సాధనకు కృషి చేశార‌న్నారు. ప్ర‌జ‌ల‌కు కనీస వసతులను క‌ల్పించాల‌ని ఎన్నో సార్లు పోరాటాలు నిర్వహించార‌న్నారు.
ఈ కార్యక్రమంలో రక్త పు వినయ్ గౌడ్, కె.నరసింహారెడ్డి, కె.చందు యాదవ్, రాములు యాదవ్, పార్టీ నాయకులు, అభిమానులు త‌దిత‌రులు పాల్గొన్నారు.
