నమస్తే శేరిలింగంపల్లి: పట్టణ ప్రగతిలో ప్రజా సమస్యలను పరిష్కరించడం జరుగుతుందని మియాపూర్ డివిజన్ కార్పొరేటర్ ఉప్పలపాటి శ్రీకాంత్ అన్నారు. నాల్గో విఢత పట్టణ ప్రగతి కార్యక్రమం లో భాగంగా మియాపూర్ డివిజన్ పరిధిలోని జనప్రియ వెస్ట్ సిటీ కాలనీలో చందానగర్ డిప్యూటీ కమిషనర్ సుధాన్షు ఆధ్వర్యంలో ఏర్పాటు చేసిన మాక్ డ్రిల్ కార్యక్రమంలో మియాపూర్ డివిజన్ కార్పొరేటర్ ఉప్పలపాటి శ్రీకాంత్ పాల్గొన్నారు. ఈ సంద్భంగా ఆయన మాట్లాడుతూ పట్టణ ప్రగతి కార్యక్రమంలో భాగంగా మాక్ డ్రిల్ ట్రయల్ నిర్వహించినట్లు జరిగిందన్నారు. మియాపూర్ డివిజన్ పరిధిలోని ప్రతి కాలనీ ప్రతి బస్తీల్లోని బిల్డింగ్ వెస్ట్ మెటీరియల్ కరెంట్, మంచినీటి సమస్యలు, కాలనీలలో ఉన్న చెత్తా చెదారాన్ని తొలగించటం, కాలనీలలోని సమస్యలను పరిష్కరించేలా కృషి చేయనున్నట్లు తెలిపారు. కార్యక్రమంలో ఈఈ శ్రీక్రాంతిని, డీఈ స్రవంతి, ఏఎంహెచ్ఓ డాక్టర్ కార్తిక్, ఏఈ శివరాం ప్రసాద్, జిహెచ్ఎంసి వివిధ శాఖల సిబ్బంది, జనప్రియ వెస్ట్ సిటీ అసోసియేషన్ సభ్యులు తదితరులు పాల్గొన్నారు.
