నమస్తే శేరిలింగంపల్లి: ప్రతి ఒక్కరూ పరిసరాలను పరిశుభ్రంగా ఉంచుకుని ఆరోగ్యాన్ని పరిరక్షించుకోవాలని చందానగర్ డివిజన్ కార్పొరేటర్ మంజులరఘునాథ్ రెడ్డి పేర్కొన్నారు. నేషనల్ డెంగ్యూ డే సందర్భంగా చందానగర్ డివిజన్ పరిధిలోని జీహెచ్ఎంసీ ఏంటామాలజీ విభాగం ఆధ్వర్యంలో వేమన రెడ్డి కాలనీ, వేమన వీకర్ సెక్షన్, ఇంద్రా నగర్, విద్యా నగర్ కాలనీలలో అంటు వ్యాధులు ప్రబలకుండా దోమల నివారణకు తీసుకోవాల్సిన చర్యలపై అవగాహన కార్యక్రమం నిర్వహించారు. ఈ కార్యక్రమానికి చందానగర్ డివిజన్ కార్పోరేటర్ మంజుల రఘునాథ్ రెడ్డి పాల్గొని మాట్లాడారు. చెత్తను ఎక్కడ పడితే అక్కడ వేయకుండా పరిసరాలను పరిశుభ్రంగా ఉంచుకోవాలని అన్నారు. ఈ కార్యక్రమంలో కాలనీ వాసులు జీహెచ్ఎంసీ ఏంటామాలజీ విభాగం ఈఎఫ్ఏ శ్రీనివాస్, కాలనీ వాసులు శ్రీనివాస్ రెడ్డి, నాగి రెడ్డి, నవీన అధికారులు తదితరులు పాల్గొన్నారు.
Advertisement
