నమస్తే శేరిలింగంపల్లి: స్వాతంత్ర్య దినోత్సవ వేడుకల్లో భాగంగా మాదాపూర్ డివిజన్ పరిధిలోని జూబ్లీ గార్డెన్ కాలనీ పార్క్ లో చేవెళ్ల పార్లమెంట్ సభ్యులు డాక్టర్ జి. రంజిత్ రెడ్డి మాదాపూర్ డివిజన్ కార్పొరేటర్ వి.జగదీశ్వర్ గౌడ్, హఫీజ్ పెట్ డివిజన్ కార్పొరేటర్ వి.పూజిత జగదీశ్వర్ గౌడ్ తో కలిసి జాతీయ జెండాను ఆవిష్కరించారు. ఎంపీ రంజిత్ రెడ్డి మాట్లాడుతూ ఈ రోజు ఇంత స్వేచ్ఛగా ఉన్నామంటే ఎందరో స్వాతంత్ర సమరయోధుల త్యాగాల ప్రతిఫలమే కారణమని వారి త్యాగాలను గుర్తు చేసుకుంటూ స్వాతంత్ర దినోత్సవ వేడుకలను జరుపుకోవడం జరుగుతుందని అన్నారు. స్వాంత్రత్య సమరయోదుల త్యాగాలను వృధా కానివ్వకుండా మన దేశ ఉన్నతికి మన వంతు కృషి చేయాలని పిలుపునిచ్చారు. మన దేశాన్ని గొప్పగా చూడాలని కలలు కన్నారని, ఆ కలలను మనమందరం సాకారం చెయ్యాలన్నారు. ప్రపంచవ్యాప్తంగా మన దేశ కీర్తిప్రతిష్టలు పెంపొందేలా చెయ్యడం మన బాధ్యత అని ఈ సందర్భంగా ఎంపీ రంజిత్ రెడ్డి పేర్కొన్నారు. ఈ కార్యక్రమంలో డివిజన్ నాయకులు, వార్డ్, ఏరియా కమిటీ, బస్తి కమిటీ సభ్యులు, మహిళలు, యువకులు తదితరులు పాల్గొన్నారు.
