నమస్తే శేరిలింగంపల్లి: మాదాపూర్ లో‌ని శిల్పారామంలో ఇండెక్స్- సి నిర్వహిస్తున్న గుర్జారీ హస్తకళా హాత్ సందర్శకులను ఎంతగానో ఆకట్టుకుంటుంది. డ్రెస్ మెటీరియల్స్, పటోళ్ల చీరలు, అద్దాలతో తయారు చేసిన డెకొరేటివ్ ఐటమ్స్, బ్రాస్ ఉత్పత్తులు, గుర్రపు బొమ్మలు తదితర వస్తువులు ఆకట్టుకుంటున్నాయి. కచ్చి గోడి, పప్పెట్ షో చిన్న పిల్లలను ఆకర్షించాయి.సాంస్కృతిక కార్యక్రమాలలో భాగంగా సంధ్య కార్తీక్ శిష్య బృందం ప్రదర్శించిన కూచిపూడి నృత్య ప్రదర్శన ఎంతగానో అలరించింది. దశావతార శబ్దం, జతిస్వరం, కృష్ణ శబ్దం, హనుమాన్ చాలీసా, తాండవ నృత్య కారి, బ్రహ్మాంజలి, జయము జయము, గరుడధ్వని తిల్లాన, శంకర శ్రీగిరి, దేవా దేవం భజేయ, హిందోళ తిల్లాన, అంశాలను ప్రదర్శించారు. గుజరాత్ నుండి విచ్చేసిన గర్భ నృత్య కళాకారులు ప్రదర్శించిన సాంప్రదాయ గర్భ నృత్యం ఎంతగానో ఆకట్టుకుంది.
Advertisement
