న‌మ‌స్తే శేరిలింగంప‌ల్లి: ద్విచక్ర వాహనం డివైడర్‌కు ఢీకొని ఓ యువకుడు మృతి చెందిన సంఘటన గచ్చిబౌలి పోలీస్ స్టేషన్ పరిధిలో చోటు చేసుకుంది. ఇన్‌స్పెక్ట‌ర్ సురేష్ తెలిపిన వివ‌రాల ప్ర‌కారం… కూకట్‌ప‌ల్లిలో నివాసం ఉండే జ్యోతి ప్రకాష్ కుమారుడు గౌతమ్ మిశ్రా(23) సైబర్‌హిల్స్‌లోని ఓ ప్రైవేటు కంపెనీలో ఉద్యోగం చేస్తున్నారు. ఈ క్రమంలో మంగళవారం రాత్రి 11 గంటల సమయంలో పల్సర్ బైక్(టిఎస్ 08 ఎఫ్ఏ 9796)పై శ్రీరాంనగర్ నుంచి బొటానికల్ గార్డెన్ వైపు వెళ్తున్నాడు. ఐతే పాలపిట్ట పార్కు వ‌ద్దకు చేరుకోగానే బైక్ అదుపుతప్పి రోడ్డు డివైడర్ను ఢీకొట్టింది. దీంతో తీవ్ర‌గాయల పాలైన గౌతమ్ మిశ్రా అక్కడికక్కడే మృతిచెందాడు. ఈ మేరకు తండ్రి జ్యోతిప్రకాష్ మిశ్రా ఫిర్యాదు మేరకు కేసు నమోదు చేసుకున్న గచ్చిబౌలి పోలీసులు ద‌ర్యాప్తు చేస్తున్నారు. పోస్టుమార్టం నిమిత్తం మృత‌దేహాన్ని ఉస్మానియా ద‌వాఖానాకు త‌ర‌లించారు.
