ఆల్విన్ కాల‌నీ (న‌మ‌స్తే శేరిలింగంప‌ల్లి): ఆల్విన్ కాల‌నీ డివిజన్ ప‌రిధిలోని సాయి చరణ్ కాలనీలో స్థానిక సమస్యలపై కార్పొరేటర్ దొడ్ల వెంకటేష్ గౌడ్ బస్తీ బాట కార్యక్రమం నిర్వహించారు. కాలనీలో డ్రైనేజీ పొంగి రోడ్లపై పారుతుందని స్థానికులు ఫిర్యాదు చేశారు. దీంతో స్పందించిన కార్పొరేటర్ దొడ్ల వెంకటేష్ గౌడ్ వెంటనే కాలనీలో పర్యటించారు. ఈ సంద‌ర్భంగా ఆయ‌న సంబంధిత అధికారులకు ఫోన్ చేసి స‌మ‌స్య‌ను వివరించారు. వెంటనే స‌మ‌స్య‌ను పరిష్కరించాలని సూచించారు. డివిజన్ లో ఎక్కడ సమస్యలు ఉన్నా వెంటనే పరిష్కరించేందుకు తన వంతు కృషి చేస్తానని తెలిపారు. ఎలాంటి సమస్యలు తలెత్తినా తనకు ఫిర్యాదు చేయవచ్చని తెలిపారు. ఈ కార్యక్రమంలో యువ నాయకుడు రామకృష్ణ గౌడ్, డివిజన్ తెరాస అధ్యక్షుడు జిల్లా గణేష్, వార్డు సభ్యురాలు లక్ష్మి, నాయకుడు కాసాని శంకర్ త‌దిత‌రులు పాల్గొన్నారు.
Advertisement
