సైబరాబాద్ (న‌మ‌స్తే శేరిలింగంప‌ల్లి): అనాథ చిన్నారుల‌కు న‌టుడు న‌వ‌దీప్ స‌హాయం అందించారు. ఈ మేరకు న‌వ‌దీప్ మంగ‌ళ‌వారం సైబరాబాద్ క‌మిష‌న‌రేట్ లో సీపీ వీసీ స‌జ్జ‌నార్‌ను క‌లిసి అనాథ చిన్నారుల‌కు అందించాల‌ని చెప్పి 350 హైజీనిక్ కిట్ల‌ను అంద‌జేశారు. వాటిని అనాథ చిన్నారుల‌కు అందజేయ‌నున్న‌ట్లు సీపీ తెలిపారు. ఈ సంద‌ర్భంగా ఆయ‌న న‌వ‌దీప్‌ను అభినందించారు. కాగా స‌ద‌రు కిట్ ఒక్కో దాంట్లో చిన్నారుల‌కు కావ‌ల్సిన స‌బ్బు, డెటాల్, శానిటైజ‌ర్‌, టెట్రా మిల్క్ ప్యాకెట్‌, టూత్ బ్ర‌ష్ వంటివి ఉంటాయి. ఈ కార్య‌క్ర‌మంలో సైబరాబాద్ క్రైమ్స్ డీసీపీ రోహిణి ప్రియ‌ద‌ర్శిని, వుమెన్ అండ్ చిల్డ్ర‌న్ సేఫ్టీ వింగ్ డీసీపీ అన‌సూయ, ఎస్‌వోటీ ఏడీసీపీ సందీప్ పాల్గొన్నారు.
Advertisement
