నమస్తే శేరిలింగంపల్లి: మియాపూర్ డివిజన్ పరిధిలోని సుభాష్ చంద్రబోస్ నగర్ బస్తీలో ప్రమాదవశాత్తు అగ్ని ప్రమాదానికి గురై దగ్ధమైన గుడిసెలను స్థానిక కార్పొరేటర్ ఉప్పలపాటి శ్రీకాంత్ పరిశీలించారు. ఘటన జరిగిన తీరును స్థానికులను, బాధితులను అడిగి తెలుసుకున్నారు. బాధితులకు అండగా ఉంటామని కార్పొరేటర్ ఉప్పలపాటి శ్రీకాంత్ హామీనిచ్చారు. ఈ కార్యక్రమంలో స్థానిక నాయకులు జాంగిర్, బాలస్వామి, రాములు నాయక్, వడ్డే చంద్రశేఖర్, మారయ్య, గురువయ్య, తలారి శివ, తలారి భరతమ్మ, లక్ష్మణ్, తదితరులు పాల్గొన్నారు.
Advertisement
