నమస్తే శేరిలింగంపల్లి:దసరా దేవీ నవరాత్రోత్సవాల్లో భాగంగా అమ్మ వారికి భక్తి శ్రద్ధలతో ప్రత్యేక పూజలు నిర్వహించడం జరుగుతుందని, అమ్మవారి కృప అందరిపై ఉండాలని మాదాపూర్ డివిజన్ కంటెస్టడ్ కార్పొరేటర్ గంగుల రాధాకృష్ణ ఆకాంక్షించారు. మాదాపూర్ డివిజన్ పరిధిలోని ఇజ్జత్ నగర్ లో ఏర్పాటు చేసిన దుర్గ మాత నవరాత్రోత్సవాల్లో భాగంగా శనివారం అమ్మవారి మండపాన్ని సందర్శచి ప్రత్యేక పూజలు చేశారు. మండపం ఎదుట దాండియా, బతుకమ్మ ఆడిన మహిళలకు రాధాకృష్ణ చేతులమీదుగా చీరలను పంపిణీ చేశారు. దేవీ నవరాత్రులు ఆధ్యాత్మిక వాతావరణం ఉంటుందన్నారు. అందరి జీవితాలలో వెలుగులు నింపాలని, సుఖ సంతోషాలతో ఉండాలని అమ్మవారిని కోరుకున్నట్లు రాధాకృష్ణ తెలిపారు. ఈ కార్యక్రమంలో వైస్ ప్రెసిడెంట్ మధు యాదవ్, రాజేశ్వర్ రెడ్డి, సీనియర్ నాయకులు శ్రీనివాస్ రెడ్డి, ఓ బి సి జనరల్ సెక్రటరీ సత్యం, సెక్రెటరీ కురుమయ్య, చంద్రశేఖర్ యాదవ్, గిరిజన మోర్చా మాదాపూర్ ప్రెసిడెంట్ బాలునాయక్, మహిళా నాయకురాలు చంద్రకళ, బాలమణి, మహిళలు పాల్గొన్నారు.
