నమస్తే శేరిలింగంపల్లి: మాదాపూర్ లోని శిల్పారామం రాఖి పండగ పురస్కరించుకొని ఆదివారం సాంస్కృతిక కార్యక్రమాలను నిర్వహించారు. శ్రీ లక్ష్మి నాట్య కళానికేతన్ పూర్ణిమ రామకృష్ణ శిష్య బృందంచే కూచిపూడి నృత్య ప్రదర్శన ఎంతగానో అలరించింది. మూషిక వాహన, ఏకదంతాయ, చేతవెన్న ముద్ద, అష్టలక్ష్మి, బ్రహ్మోత్సవం, ధీమ్ ధీమ్ తకధిమి, ముద్దుగారేయ్ యశోద, ఉట్టి మీద పాలు మీగడ, తిల్లాన, కోలాటం, సతులారా చూడరేయ్ తదితర అంశాలను కళాకారులు ప్రదర్శంచి ఆహుతులను ఆకట్టుకున్నారు. ముఖ్య అతిథిగా జొన్నలగడ్డ లక్ష్మి హాజరై కళాకారులను అభినందించారు.
Advertisement
