కొండాపూర్(నమస్తే శేరిలింగంపల్లి): కొండాపూర్ డివిజన్ పరిధిలోని ప్రేమ్ నగర్ ఏ బ్లాకులో జరుగుతున్న సీసీ రోడ్ల పనులను కొండాపూర్ డివిజన్ కార్పొరేటర్ హమీద్ పటేల్ పర్యవేక్షించారు. ఈ సందర్భంగా ఆయన మాట్లాడుతూ పనులలో నాణ్యత ప్రమాణాలను పాటించాలని, ప్రజలకు, వాహనదారులకు ఇబ్బందులు లేకుండా పనులు చెయ్యాలని కాంట్రాక్టర్లకు సూచించారు. డివిజన్ లో భూగర్భ డ్రైనేజీ వేసిన తర్వాత సీసీ రోడ్లను వేస్తున్నామని, అన్ని బస్తీలలో మౌలిక వసతులకు కృషి చేస్తున్నామన్నారు. కొండాపూర్ డివిజన్ అభివృద్దే ధ్యేయంగా పని చేస్తున్నామని, తన దృష్టికి వచ్చిన ప్రతి సమస్య పరిష్కారానికి కృషి చేస్తున్నానని తెలిపారు. అనంతరం బస్తీలో పాదయాత్ర చేసి ప్రజల వద్దకు వెళ్లి సమస్యలు అడిగి తెలుసుకున్నారు. సమస్యలపై స్పందించిన ఆయన సంబంధిత అధికారులతో మాట్లాడి, వీలైనంత త్వరగా సమస్యలు పరిష్కరిస్తానని హామీ ఇచ్చారు. ఈ పర్యటన లో డిఈ రమేష్, సయ్యద్ ఉస్మాన్, మహ్మద్ నసీరుద్దీన్, అస్లాం, రెడ్డమ్మ, చంద్ర శేఖర్ రెడ్డి, వీరేశం, సయ్యద్ ఖయ్యాం, షేక్ జాఫర్, షేక్ అహ్మద్, నారాయణమ్మ, నిరంజన్, మహ్మద్ అసిఫ్, నసీమా బేగం, రిజ్వానా తదితరులు పాల్గొన్నారు.
