నమస్తే శేరిలింగంపల్లి: చందానగర్ డివిజన్ పరిధిలోని శ్రీరాం నగర్ కాలనీ లో ఆర్యవైశ్య సంఘం చందానగర్ ఇంటర్నేషనల్ వైశ్య ఫెడరేషన్ బిజినెస్ గ్రూప్, చందానగర్ ఆర్యవైశ్య ఐక్య వేదిక, చందానగర్ వాసవి క్లబ్ హైటెక్ నవ నిర్మాణ్ ఆధ్వర్యంలో వాసవి కన్యకా పరమేశ్వరి జయంతి ఉత్సవాలు ఘనంగా జరిగాయి. చందానగర్ డివిజన్ కార్పొరేటర్ మంజుల రఘునాథ్ రెడ్డి పాల్గొని అమ్మవారిని దర్శించుకున్నారు. ఆలయంలో మహిళలతో కలిసి కుంకుమ అర్చన, ప్రత్యేక పూజలు చేశారు. ఈ సందర్భంగా చందానగర్ డివిజన్ కార్పొరేటర్ మంజుల రఘునాథ్ రెడ్డి మాట్లాడుతూ ఆర్యవైశ్యుల ఆరాద్య దైవం, ఆర్యవైశ్యుల్లో ఆత్మవిశ్వాసం నింపిన దేవత వాసవి కన్యక పరమేశ్వరి దేవి అన్నారు. నమ్ముకున్న భక్తుల కోరికలు తీర్చే మహాతల్లి వాసవి కన్యక పరమేశ్వరి మాత జయంతి ఉత్సవాలు చందానగర్ లో ఏర్పాటు చేయడం సంతోషకరమని అన్నారు.
శోభయాత్ర లో ప్రభుత్వ విప్ గాంధీ
వాసవి కన్యకా పరమేశ్వరీ జయంతి ఉత్సవాల్లో భాగంగా శోభాయాత్ర అంగరంగవైభవంగా కొనసాగింది. ప్రభుత్వ విప్, ఎమ్మెల్యే ఆరెకపూడి గాంధీ, మియాపూర్ కార్పొరేటర్ ఉప్పలపాటి శ్రీకాంత్ ఈ శోభాయాత్రలో పాల్గొని ప్రత్యేక పూజలు చేశారు. ఈ కార్యక్రమంలో మాజీ కార్పొరేటర్ అశోక్ గౌడ్, మాజీ కౌన్సిలర్ లక్ష్మీనారాయణ గౌడ్, చందానగర్ డివిజన్ అధ్యక్షలు రఘునాథ్ రెడ్డి, మాదాపూర్ డివిజన్ అధ్యక్షులు ఎర్రగుడ్ల శ్రీనివాస్ యాదవ్, తెరాస నాయకులు గురుచరణ్ దుబే, నరేంద్ర బల్లాల, యశ్వంత్ మరియు ఆర్య వైశ్య సంఘం ప్రెసిడెంట్ పబ్బా మల్లేష్ గుప్తా, శ్రీనివాస్ పాసుమర్తి, వనమ శ్రీనివాస్, సంపత్ కుమార్, శ్రీనివాస్ పబ్బా, నటరాజు, సాయి బాబు, శ్రీధర్, సంతోష్ తదితరులు పాల్గొన్నారు.
