నమస్తే శేరిలింగంపల్లి: శ్రీ లక్ష్మీ గణపతి దేవాలయం లో సుబ్రహ్మణ్య షష్ఠి సందర్భంగా శ్రీ సుబ్రహ్మణ్యేశ్వర స్వామికి గురువారం ఉదయం నుంచి సాయంత్రం వరకు విశిష్ట పూజా కార్యక్రమాలు అంగరంగ వైభవంగా జరిగాయి. ఉదయం ప్రత్యేక పంచామృతాభిషేకం, సహస్ర నామార్చన, పాశుపత హోమం, సర్ప సూక్తం హోమం నిర్వహించారు. సుబ్రహ్మణ్య స్వామి వారిని స్మరించుకుంటూ కాలసర్ప దోష నివారణ, కుజ గ్రహ దోష నివారణ, రాహు కేతు దోషములు కలవారు, సంతానప్రాప్తి కోసం, వివాహం కాని వారు ఈ హోమాలలో పాల్గొన్నారు. సాయంత్రం శ్రీ వల్లీ దేవసేన సమేత సుబ్రహ్మణ్యేశ్వర స్వామి కళ్యాణ మహోత్సవం కన్నుల పండువగా జరిగింది. ఆలయ కమిటీ సభ్యులు, పరిసర ప్రాంతాల భక్తులు పెద్ద సంఖ్యలో పాల్గొని స్వామివారి అనుగ్రహం పొందారు.
Advertisement
