నమస్తే శేరిలింగంపల్లి: మియాపూర్ డివిజన్ పరిధిలోని సాయి రాం నగర్ కాలనీ శ్రీ అభయ ఆంజనేయ స్వామి దేవస్థానం ద్వితీయ వార్షికోత్సవ కార్యక్రమంలో బిజెపి రాష్ట్ర కార్యవర్గ సభ్యులు జ్ఞానేంద్ర ప్రసాద్ పాల్గొన్నారు. ఆలయ కమిటీ సభ్యులతో కలసి స్వామి వారిని దర్శించుకుని ప్రత్యేక పూజలు నిర్వహించారు. ఆలయాల సందర్శనతో మానసిక ప్రశాంతత అలవడుతుందని ఈ సందర్భంగా జ్ఞానేంద్ర ప్రసాద్ అన్నారు. ఆభయాంజనేయ స్వామి ఆలయ ద్వితీయ వార్షికోత్సవం ఘనంగా నిర్వహించడం సంతోషకరమని తెలిపారు. ఈ కార్యక్రమంలో బిజెపి నాయకులు శ్రీధర్ రావు, కోటేశ్వరరావు, బాబు రెడ్డి, విశాల్, హరి, విక్కీ, ఆలయ కమిటీ సభ్యులు, నాయకులు, యువకులు, భక్తులు తదితరులు పాల్గొన్నారు.
కార్పొరేటర్ గంగాధర్ రెడ్డి ప్రత్యేక పూజలు మియాపూర్ డివిజన్ పరిధిలోని డైనమి కాలనీ, సాయిరాం కాలనీ లోని శ్రీ అభయ ఆంజనేయ స్వామి ఆలయ ద్వితీయ వార్షికోత్సవంలో భాగంగా శ్రీ సీతారాముల కళ్యాణ మహోత్సవం ఘనంగా నిర్వహించారు. శ్రీ సీతారాముల కళ్యాణం లో స్థానికులతో కలిసి గచ్చిబౌలి డివిజన్ కార్పొరేటర్ గంగాధర్ రెడ్డి పాల్గొని ప్రత్యేక పూజలు చేశారు. అనంతరం భక్తులకు ఏర్పాటు చేసిన అన్నదాన కార్యక్రమాన్ని ప్రారంభించారు. కార్యక్రమంలో రంగారెడ్డి జిల్లా గిరిజన మోర్చా అధ్యక్షుడు హనుమంతు నాయక్, గోపనపల్లి తండా వడ్డెర సంఘం ప్రెసిడెంట్ అలకుంట శ్రీరామ్, సీనియర్ నాయకురాలు సీనియర్ నాయకులు నర్సింగ్ నాయక్, ప్రకాష్, స్థానిక నేతలు, కార్యకర్తలు, తదితరులు పాల్గొన్నారు.
