న‌మస్తే శేరిలింగంప‌ల్లి: చందాన‌గ‌ర్ డివిజ‌న్ ప‌రిధిలోని శిల్ప ఎన్‌క్లేవ్‌లో గ‌ల విశాఖ శ్రీ శారదా పీఠ పరిపాలిత శ్రీలక్ష్మీ గణపతి దేవాలయంలో సంకట హర చతుర్థిని ఘనంగా నిర్వ‌హించారు. ఈ సంద‌ర్భంగా ఆలయ ప్రధాన అర్చకులు వేదుల పవనకుమార్ శర్మ బృందం పర్యవేక్షణలో ఉద‌యం లక్ష్మీ గణపతి స్వామికి పంచామృతాభిషేకం, అర్చన, శ్రీ లక్ష్మీ గణపతి హోమం తదితర ప్రత్యేక పూజా కార్యక్రమాలు నిర్వ‌హించారు. సాయంత్రం సిద్ది బుద్ది సమేత శ్రీ వర సిద్ది వినాయక స్వామి కళ్యాణం కన్నుల పండువగా జ‌రిగింది. ఈ కార్య‌క్ర‌మంలో భ‌క్తులు పెద్ద ఎత్తున పాల్గొని కోవిడ్ నిబంధనలు పాటిస్తూ స్వామివారిని దర్శించుకోని తీర్థ ప్ర‌సాదాలు స్వీక‌రించారు.
Advertisement
