నమస్తే శేరిలింగంపల్లి: మదీన గూడ లో నిర్మాణంలో ఉన్న వే బ్రిడ్జి వద్ద మట్టి నింపుతున్న వ్యక్తిపై టిప్పర్ బోల్తా కొట్టడంతో మృతి చెందిన సంఘటన మియాపూర్ పోలీస్ స్టేషన్ పరిధిలో చోటు చేసుకుంది. మియాపూర్ పోలీసులు తెలిపిన వివరాల ప్రకారం గచ్చిబౌలి రాజీవ్ కాలనీకి చెందిన చెన్నయ్య (30) మదీనగూడ మురుగన్ కిచెన్ ఎదురుగా గల నిర్మాణంలో ఉన్న వే బ్రిడ్జ్ వద్ద మట్టి నింపుతున్న క్రమంలో ప్రమాదవశాత్తు టిప్పర్ బోల్తా కొట్టడంతో చెన్నయ్య కింద పడిపోయి అక్కడికక్కడే మృతిచెందాడు. చెన్నయ్య భార్య అలివేలమ్మ ఇచ్చిన పిర్యాదు మేరకు నిర్లక్ష్యంగా టిప్పర్ నడిపిన డ్రైవరు పై, వే బ్రిడ్జ్ యజమానిపై కేసు నమోదు చేసుకుని దర్యాప్తు చేస్తున్నట్లు తెలిపారు.
Advertisement
