హాఫీజ్ పేట(నమస్తే శేరిలింగంపల్లి): డివిజన్ ప్రజలకు అవసరమైన మౌలిక వసతులను కల్పించడమే తన లక్ష్యమని మాదాపూర్ డివిజన్ కార్పొరేటర్ వి.జగదీశ్వర్ గౌడ్ అన్నారు. సోమవారం మదీనగూడా వీకర్ సెక్షన్లో నూతనంగా ఏర్పాటు చేస్తున్న మంచినీటి పైపులైన్ పనులను పరిశీలించారు. ఆనంతరం స్థానికంగా ఏర్పాటు చేయవలసిన భూగర్భ డ్రైనేజి పనులపై స్థానికులతో చర్చించారు. దీంతోపాటు మదీనగూడా గ్రామంలో నూతనంగా ఏర్పాటు చేసిన సిసిరోడ్డు పనులను పరిశీలించారు. ఈ సందర్భంగా జగదీశ్వర్ గౌడ్ మాట్లాడుతూ డివిజన్ పరిధిలోని ప్రతీ కాలనీలో మౌలిక సదుపాయాల ఏర్పాటుకు శక్తి వంచన లేకుండా కృషి చేస్తున్నామన్నారు. ఈ కార్యక్రమంలో స్థానిక నాయకులు తదితరులు పాల్గొన్నారు.
Advertisement
