రవి దంపతులకు రూ.10 వేలు అందజేస్తున్న సాయికృష్ణ ఫౌండేషన్ చైర్మన్ నిమ్మల సాయికృష్ణ గౌడ్
హఫీజ్ పేట్(నమస్తే శేరిలింగంపల్లి): నిరుపేద యువతి వివాహానికి సాయి కృష్ణ ఫౌండేషన్ ఆర్ధిక సహకారంతో చేయూతను అందించింది. హఫీజ్ పేట్ డివిజన్ కు చెందిన ఈర్ల రవి కూతురుకి వివాహం నిశ్చయమైంది. ఇప్పటికే ఆర్థిక ఇబ్బందుల్లో ఉన్న రవికి కూతురు వివాహం భారంగా మారటాన్ని సాయి కృష్ణ ఫౌండేషన్ చైర్మన్ నిమ్మల సాయి కృష్ణ గౌడ్ గుర్తించారు. ఈ క్రమంలోనే మంగళవారం రవి దంపతులకు రూ.10 వేలు ఆర్ధిక సహాయం అందజేశారు. నిరుపేదలకు, ఆపదలో ఉన్నవారికి సహకారం అందించేందుకు తమ ఫౌండేషన్ ఎప్పుడూ ముందు ఉంటుందని సాయికృష్ణ గౌడ్ పేర్కొన్నారు.
