నమస్తే శేరిలింగంపల్లి: పట్టణ ప్రగతి కార్యక్రమంలో మౌలిక వసతుల సమస్యల పరిష్కారం కోసం కృషి చేస్తామని, ప్రతిఒక్కరూ తమ పరిసరాలను పరిశుభ్రంగా ఉంచుకుని పట్టణ ప్రగతిలో పాల్గొనాలని మాదాపూర్ డివిజన్ కార్పొరేటర్ వి.జగదీశ్వర్ గౌడ్ అన్నారు. హఫీజ్ పెట్ డివిజన్ పరిధిలో వైశాలి నగర్ లో డీఈ సురేష్, ఏఈ ప్రతాప్, వాటర్ వర్క్స్, శానిటేషన్, ఎంటమాలజీ సిబ్బంది తో కలిసి కార్పొరేటర్ జగదీశ్వర్ గౌడ్ పాదయాత్ర చేశారు. రోడ్లపై ఉన్న చెత్తా చెదారాన్ని తొలగింపజేసి మురికి కాలువలను శుభ్రం చేయించారు. పట్టణ ప్రగతి ద్వారా పరిసరాలు పరిశుభ్రంగా మారుతున్నాయని అన్నారు. ఈ కార్యక్రమంలో కాలనీ ప్రెసిడెంట్ బంగారు బాబు, ఉపాధ్యక్షులు సురేష్, కాలనీ వాసులు దుర్గా ప్రసాద్, బాలకృష్ణ, శ్రీనివాస్ రావు, బాబి, వైఎస్ రెడ్డి, సంతోష్, వెంకట్ రెడ్డి, శ్రీనివాస్, సురేష్, మురళి కృష్ణ, నాగస్వరూప్, రామారావు తదితరులు పాల్గొన్నారు.
