తెలంగాణ స్టేట్ రోడ్ ట్రాన్స్‌పోర్ట్ కార్పొరేష‌న్ (టీఎస్ఆర్టీసీ) త‌న ప్ర‌యాణికుల‌కు స‌ద‌వ‌కాశం క‌ల్పిస్తోంది. బ‌స్ పాస్ కోసం ఇక కేంద్రానికి వెళ్లాల్సిన ప‌నిలేదు. ఇంటి వ‌ద్దే బ‌స్ పాస్ తీసుకోవ‌చ్చు. అందుకు గాను ఒక ప్రాంతానికి చెందిన 5 మంది ప్ర‌యాణికులు క‌లిసి ముందుగా సంబంధిత అధికారుల‌కు విజ్ఞ‌ప్తి చేయాలి. 8008204216 అనే నంబ‌ర్‌కు కాల్ చేసి విష‌యం తెలియ‌జేయ‌వ‌చ్చు.
ఈ క్ర‌మంలో ఒక ప్రాంతంలో 5 మంది అంత‌క‌న్నా ఎక్కువ ఉంటే వారి వ‌ద్ద‌కే వ‌చ్చి అధికారులు అప్ప‌టిక‌ప్పుడే పాస్ ఇచ్చి వెళ్తారు. ఈ స‌దుపాయాన్ని గ్రేట‌ర్ హైద‌రాద్ ప్ర‌జ‌ల‌కు అందిస్తున్న‌ట్లు అధికారులు తెలిపారు. ప్ర‌స్తుతం గ్రేట‌ర్‌లో మొత్తం 31 బ‌స్ పాస్ కేంద్రాలు ఉండ‌గా, వాటిల్లో ఉద‌యం 7.30 నుంచి రాత్రి 8.15 గంట‌ల వ‌ర‌కు పాస్‌ల‌ను జారీ చేస్తున్నారు. కొత్త స‌దుపాయం వ‌ల్ల ఎంతో మందికి ఉప‌యోగం క‌లుగుతుంద‌ని ఆర్‌టీసీ అధికారులు భావిస్తున్నారు.
