చందానగర్ టిఆర్ఎస్ పార్టీ రెబెల్ అభ్యర్థి గా బొబ్బ నవతరెడ్డి

మొదలైన అసమ్మతి సెగలు.. నేడు నామినేషన్ 
చందానగర్(నమస్తే శేరిలింగంపల్లి): చందానగర్ డివిజన్ టిఆర్ఎస్ అభ్యర్థిగా మంజుల రఘునాథ్ రెడ్డి పేరును అధిష్టానం ఖరారు చేసింది. ఈ డివిజన్ నుండి సిట్టింగ్ కార్పొరేటర్ గా ఉన్న బొబ్బ నవత రెడ్డికి పార్టీ అభ్యర్థి గా అవకాశం లభించక పోవడం తో రెబెల్ అభ్యర్థి గా బరిలో నిలువనుంది. ఓ వైపు పార్టీ అభ్యర్థి గా మంజుల రఘునాథ్ రెడ్డి నామినేషన్ దాఖలు చేయగా మరోవైపు నవతా రెడ్డి నామినేషన్ దాఖలు చేసేందుకు సిద్ధమైంది. ఈ నేపథ్యం లో నవతా రెడ్డ్డి డివిజన్ పరిధిలోని పలు కాలనీ సంక్షేమ సంఘాలు, అపార్ట్మెంట్ కమిటీ సభ్యులు, అభిమానులతో ఆమె సమావేశమయ్యారు. ఎన్నికల్లో చేపట్టబోయే తదుపరి కార్యాచరణ పై చర్చించారు. ఈ సందర్భంగా నవత రెడ్డి మాట్లాడుతూ డివిజన్ ప్రజలు తన వెంట ఉన్నారని, కాలనీ సంక్షేమ సంఘాల నాయకులంతా తన అభ్యర్థిత్వాన్ని కోరుకుంటున్నారని ఆమె తెలిపారు. గత ఐదేళ్ళలో తాను చేపట్టిన అభివృద్ధి కార్యక్రమాలే ఎన్నికల్లో తనను గెలిపిస్తాయని ధీమా వ్యక్తం చేశారు. రెబెల్ అభ్యర్థి గా గెలిచి తానేంటో నిరూపించుకుంటానని ఆమె తెలిపారు.

Advertisement