గచ్చిబౌలి(నమస్తే శేరిలింగంపల్లి); గచ్చిబౌలి బీజేపీ రెబెల్ అభ్యర్థి గా డివిజన్ నాయకుడు మట్టా సురేష్ గౌడ్ నామినేషన్ దాఖలు చేశారు. పార్టీ నుండి టికెట్ ఆశించి భంగపాటుకు గురైన సురేష్ గౌడ్ శుక్రవారం తన నామినేషన్ సమర్పించారు. ఈ సందర్భంగా సురేష్ గౌడ్ మాట్లాడుతూ భారతీయ జనతా పార్టీ తన సిద్ధాంతాలను పక్కన పెట్టి ఎన్నికల ముందు పార్టీలో చేరిన నాయకులకు టిక్కెట్లు కేటాయించడం ఎంతవరకు సమంజసమని ప్రశ్నించారు. దశాబ్దాలుగా పార్టీ కోసం అహర్నిశలు శ్రమిస్తున్న ఎంతోమంది నాయకులను అధిష్టానం నిరాశకు గురి చేసిందన్నారు. గచ్చిబౌలి ఎన్నికల్లో బిజెపి రెబెల్ అభ్యర్థిగా బరిలో నిలిచి విజయం సాధిస్తానని ఆయన ధీమా వ్యక్తం చేశారు. డివిజన్ ప్రజలంతా తనకు అండగా నిలిచి ఎన్నికల్లో ఓటు వేసి మద్దతు తెలపాలని కోరారు.
Advertisement
