నమస్తే శేరిలింగంపల్లి: పేదల పక్షపాతి, బడుగు బలహీన వర్గాల ఆశాజ్యోతి వెంకట స్వామి (కాకా ) 92వ జయంతిని పురస్కరించుకొని హైదరాబాద్ ట్యాంక్ బండ్ సమీపంలోని కాకా విగ్రహం వద్ద ఘనంగా జయంతి వేడుకలు నిర్వహించారు. కాకా చిత్రపటానికి పూలమాలలు వేసి ఘన నివాళి అర్పించారు. వెంకట స్వామి పేద ప్రజల అభ్యున్నతి కోసం చేసిన కృషిని పలువురు కొనియాడారు. ఈ కార్యక్రమంలో జాతీయ ఓబీసీ మోర్చా అధ్యక్షుడు డాక్టర్ లక్ష్మణ్, మాజీ ఎంపీ వివేక్ వెంకటస్వామి, రాష్ట్ర ఎస్సీ మోర్చా అధ్యక్షుడు భాష, రాష్ట్ర గీత సెల్ కన్వీనర్ శ్రవణ్ గౌడ్ , శేరిలింగంపల్లి బిజెపి సీనియర్ నాయకులు ఉప్పల ఏకాంత్ గౌడ్ , మేడ్చల్ మల్కాజ్‌గిరి అర్బన్ జిల్లా ఎస్సీ మోర్చా సెక్రెటరీ అశోక్, వివేకానంద నగర్ డివిజన్ బిజెపి నాయకులు భాను యాదవ్, డివిజన్ సెక్రెటరీ దయాకర్ రెడ్డి, సోషల్ మీడియా కన్వీనర్ వినోద్, తదితరులు పాల్గొన్నారు.
