చందానగర్ (న‌మ‌స్తే శేరిలింగంప‌ల్లి): చందానగర్ లోని విశాఖ శ్రీ శారద పీఠపాలిత శ్రీ వేంకటేశ్వరాలయ సముదాయంలో శ్రీవారి 25వ వార్షిక బ్రహ్మోత్సవాలు 4వ రోజు వైభవంగా కొనసాగాయి. ఈ సంద‌ర్భంగా స్వామి వారికి పూజ‌లు, అభిషేకాలు నిర్వ‌హించారు. ఉదయం నిత్యోపాశ‌నం, ఉత్స‌వాన్త‌స్న‌ప‌నం, దుష్ట గ్ర‌హ నివార‌ణార్ధం శ్రీ మ‌హా సుద‌ర్శ‌న హోమం, నిత్యోపాస‌నం త‌దిత‌ర పూజా కార్యక్రమాలను నిర్వ‌హించారు. రాత్రి గ‌రుడ వాహ‌న సేవ, స‌హస్ర దీపాలంక‌ర‌ణ సేవ‌ల‌ను నిర్వ‌హించారు. జూబ్లీహిల్స్ కు చెందిన స‌త్య‌నారాయ‌ణ రాజు అనే భ‌క్తుడి ఆధ్వ‌ర్యంలో ఈ కార్యక్రమాలను చేప‌ట్టారు. ఈ సంద‌ర్భంగా ప‌రిస‌ర ప్రాంతాల‌కు చెందిన భ‌క్తులు హాజ‌రై స్వామి వారి పూజ‌ల్లో పాల్గొని తీర్థ ప్ర‌సాదాల‌ను స్వీక‌రించారు.
Advertisement
